يا أطفال يا حلوين إشربوا الحليب ...!!!!!!!

كيفكم يا شباب الإشراف ... وشو آخر دواوينكو .... عاد اللي بليسمع بصدق إنكم دواوين


على العموم ... الموضوع مش هون ... اللي بدي أحكيه .... يا حلوين إنكم لازم تحركوا حالكو شوي

وتجيبو أعضاء جداد ... بدي الكل يشتغل ... عادي لو كان أبهاتكو يشاركو معنا .. أو حتى أجدادكم

بدنا حركة ... هوووووووون


وأنا وعن نفسي ... راح أخلى جدتي تشترك هون في المنتدى بس المشكلة جدتي بتفهم في الكمبيوتر

أحسن من بيل غيتس وما بضمنها .. يمكن تهكر على المنتدى

والمشكلة الثانية والأكبر كمان ... إنها بطالب بفتح قسم جديد وإسمه قسم محو الأمية


خخخخخخخخخخخخخخخخخخخخخخخخخخخخخخخخخخخخخخخ



يلا يا حلوين بدنا حركة .. هووون ... وين المواضيع الحلوة

إنت يا عمر المرعب ... شد حيلك شوي .. ما إنت لا شغلة ولا عملة ... طول نهارك وليلك على النت

حركلي حالك شوي


وينكو يا حسين وفايز .... أنا أصلا مش شايفكو في الواقع

بس لازم أشوفكو هوووووون

وبس شاطرين في السيارات ... ومشا عارف ايش .. ولأ كمان غيرانين مني لأنو أنا معي كيا كاريرا جي تي

وإنتو طول انهاركو .. بتراكضو ورا الباصات أم الشلن .... ولأ كمان بتروحو مشي على الدار

وبتقولوا الرياضة حلوة ......

وينكو يا .... ... عفوا يا أحبابي .... أنا بدي أشوفكو هون على الساحة والميدان وأتحداكم كمان

بس شاطرين تحلقوا روسكم مثل النيس .. (والنيس هو حيوان يعيش في الغابات المطرية ويسمى أيضا القنفذ )

عن جد لما أشوفكو بصير معي جعاط في المعدة .... وجعمص في الراس

(جعاط وجعمص أي أنه درس وتخرّج في الخليج)

هخهههههههههههههههههههههههههههههههههههههههههههههههههههههههه



وإنت يا محمد سيارة فان شاحنة ترك ( يعييييي ) .... وينك ....؟؟؟

بس شاطر تجيب اللابتوب تبعك وتقرقع مخنا هوووون ... وشوف التصميم يا مهند وإنت يا ابرهيم

بالله عليك ...كيف التصميم .... ... عنجد كنت توكل الراس

بس أنا بعذرك ... لأنك تغرّبت في عمان وبعدت عن أهلك .... يا مسكين

تذّكر لما حكيت معي ... وسألتك وين إنت ... قلتلي أنا في ماركا مول خخخخخخخخخخخخخخخ

وأنا قلتلك لأ ... اسمه مكة مووووول يا (........) .... تذّكر ؟؟؟؟

أنا عارف إنو هاي تأثير الغربة عليك .... ولما رحت على دوار عبدون ... حكيتلي إنه شبه شارع البيتزا

حتى إنك صابك دوار الحوامل ... لما دخلت مجمع زارا سنتر .. لأنك في حياتك ما طلعت مبنى أكثر من طابقين

أنا بعذرك حبيبي .... وعارف إنو الوحدة صعبة ... بس هذا ما بمنع إنك ما تشارك في المنتدى يا مراقبنا


وإنت يا أحمد عبد الحافظ محمود محمد أحمد خليفة بن راشد بن يوسف بن خليل السوري ... وينك ؟؟؟

مش هيك إسمك في المنتدى ؟؟؟؟؟؟

بس شاطر إنك تعرط علينا في الخلويات ... وأنا اللي جبت اول خلوي في العقبة .. وأنا اللي صنّعت

خلوي (الشيخ زايد) وأنا اصلا شريك في مصنع النوكيا .... مش هيك كنت تقص علينا ؟؟؟

طيب يا أفلاطون عصرك .... انا في عندي مشكلة في التلفون ... ومش عارف شو أسوي

التلفون كل ما أضرب رقم ... ما بيتصل نهائيا ... بس بقدر استقبل مكالمات عادي

شو المشكلة ؟؟؟

وين المواضيع اللي وعدتنا فيها ... آه يا حلو ....

بس شاطر تقص وتعرط بس .....




في النهاية أتوجه لمديرنا الحبيب أطال الله في عمره وأقرّ مقامه وأعطاه الصحة والعافية

وأمدّ في نسله .... وبارك في حياته وأسكنه فسيح جنانه .. رحمة الله عليك


عنجد كان شب كويّس ... وكان أفضاله علينا كثير

أرجو من الجميع الدعاء له بالرحمة

الفاتحة


............


كان وصيتو إهي إهي .... آآآآآآآآآآختشو .... عااااااااااااااااااا..... بدي إميييييي

كان وصيتو إنو المنتدى يتطور .... ويزداد عدد الأعضاء ...

فلازم نحقق الوصية ونترقي بمستوى هذا المنتدى الرائع ...

ويجب علينا نحن المشرفين أن نتحمّل هذه المسؤولية بكل جدّية وأنا عن نفسي

ومن على هذا المنبر .. أقدّم تحياتي للجميع ... وأطلب من الكنترول .. أغنية رشرش حبك يا جميل

وفي النهاية ....

يا أطفال يا حلوين إشربوا الحليب ... للصحة للأوّة اسألوا الطبيب

اشرب على مهلك ... تخرب بيت أهلك



سلامووووووووووووووووز



معلّمكو .. وسيدكو وتاج راسكو ... غصب عنكو ..........ز

برهووووووووووم